أبدت النجمة الشابة مي عزالدين حرصها على تقديم العديد من النصائح لبنات جيلها من خلال صفحتها على موقع التواصل الاجتماعي "فيسبوك".
وبحسب "صدى البلد", قدمت مي نصيحة كانت ألا ترد أي بنت على معاكسة الشاب الذي يحاول أن يعاكسها في الشارع.
وكتبت مي تقول:" الأفضل لأى بنت أنها متردش على الولد اللي بيعاكسها أو بيضايقها في الشارع ،ودا لأنها متعرفش ولا تقدر تخمن الشخص دا ممكن مستواه يوصل لفين من المضايقة، وعمري في حياتي ما رديت على شخص حاول يعاكسني أو يضايقني، وعشان الفترة الأخيرة بسبب الأحداث اللي في مصر الحكاية دي زادت وانتشرت بشكل أكبر".
وأضافت:" بجد بانصح كل البنات أنها متردش على حد مهما اتعصبت واتضايقت لأنها متقدرش فعلاً تعرف سقف الولد دا أو الشخص السخيف دا ممكن يوصل لحد فين وممكن يهينها ازاى، وباتمنى من كل شخص أنه قبل ما يضايق بنت أنه يفتكر والدته وأخته وهيكتشف أنه اللي بيعمله دا شيء غير راق أبداً".